Itinanggi ng pamunuan ng Sanchez Mira West Central School ang alegasyong ibinulsa diumano ng punongguro ang P550,000.00 na ibinigay na donasyon sa paaralan.
Saad ni MJ Tisado Dafun sa Facebook, wala silang natanggap na donasyong nagkakahalaga ng ganoon.
“Sanchez Mira West Central ES has no transaction with the one who posted this photo. We did not received any amount from him. Hindi po ang school namin ang beneficiary ng 550,000.00. Ito po ay paglilinaw sa mga nashare and nakabasa ng post.”
Ang post na binabanggit ay tumutukoy sa FB update ni Deejimon TV na nagsasabing, “Principal from Sanchez Mira, almost got away with pocketing a half a million donation from Bretman Rock.”
Si Bretman Rock ay kilalang Filipino-American beauty influencer, digital creator, and LGBTQ+ icon. Siya ay nakabase sa Honolulu, Hawaii.
Saad pa ni Dafun, “Our school always practice transparency in terms of donations. Our school head did not involve herself in such problem. Sana change the picture of the school posted.Thank you so much.”
